पनौतीमा सांस्कृतिक र व्यापारिक महोत्सवको रौनक सुरु

  पनौती । पनौती नगरपालिका वडा नं. ७ का वडा अध्यक्ष सबिन ताम्राकारले “दोस्रो पनौती सांस्कृतिक तथा व्यापार महोत्सव–२०८३” को औपचारिक उद्घाटन गरेका छन्। पनौती नगरपालिका–७ स्थित बसपार्क क्षेत्रमा आजदेखि...

कसैले भूमिहीनलाई उचाल्न पर्दैन, सुकुम्बासी समस्याबाट मैले छाती हटाएको छैन : सभापति लामिछाने

  काठमाडौं । राष्ट्रिय स्वतन्त्र पार्टीका सभापति रवि लामिछानेले भूमिहीन सुकुम्बासीका समस्याबाट आफूले छाती नहटाएको बताएका छन् । आइतबार रास्वपा सांसदहरूको दुई दिने प्रशिक्षण कार्यक्रमको समापनमा बोल्दै उनले यस्तो बताएका...

पनौतीमा दोस्रो सांस्कृतिक तथा व्यापार महोत्सव भोलिदेखि सुरु हुँदै

  काभ्रे प्रेस | पनौती पनौती नगरपालिका–७ स्थित बसपार्क क्षेत्रमा आयोजना हुन लागेको “दोस्रो पनौती सांस्कृतिक तथा व्यापार महोत्सव–२०८३” भोलि औपचारिक रूपमा उद्घाटन हुँदैछ। राष्ट्रिय लोक सांस्कृतिक प्रतिष्ठान नेपालद्वारा आयोजित...

रास्वपा चौरीदेउरालीमा श्रीमान तामाङको नेतृत्व 

  चौरीदेउराली । काभ्रेपलाञ्चोक जिल्लाको चौरी देउराली गाउँपालिकामा राष्ट्रिय स्वतन्त्र पार्टी (रास्वपा) को प्रथम अधिवेशन सफलतापूर्वक सम्पन्न भएको छ। अधिवेशनबाट गाउँपालिका समितिको सभापतिमा श्रीमान तामाङ निर्वाचित भएका छन्। त्यसैगरी उपसभापतिमा...

नेपाललाई शान्ति क्षेत्र घोषणा गरौं : रवि किरण हमाल

काठमाडौं — राष्ट्रिय जेनजी नागरिक अभियानले आयोजना गरेको ‘त्रिदेशीय सीमा समस्या र समाधान’ विषयक अन्तरक्रिया कार्यक्रममा रवि किरण हमालले नेपाललाई शान्ति क्षेत्रको रूपमा पुनः कायम गर्नुपर्ने प्रस्ताव राखेका छन्। हमालले भने, “नेपाललाई शान्ति क्षेत्र घोषणा गरौं र क्रमशः अतिक्रमित भूमिमा बलियो उपस्थिति जनाऔं।” कार्यक्रममा अभियानका संयोजक सुनिल सिंहले नेपाली युवाहरू बलिदान दिन तयार रहेको बताउँदै आवश्यक परे छिमेकी देशसँग लड्न पनि तयार रहेको दाबी गरे। उनले भने, “नेपाली युवा बलिदान दिन तयार छन् र परेको खण्डमा छिमेकी देशसँग लड्न सक्छन्।” यसैगरी अभियानका सहसंयोजक अजय सोडारीले चेतावनी दिँदै भने, “जसरी जेन्जीहरूले देशभित्रका कुलंगारहरूलाई घुँडा टेकाएका थिए, त्यसैगरी भोलि छिमेकी मुलुकले हामीमाथि गिद्धे नजर राखे संघर्ष गर्न तयार छौं।” कार्यक्रममा सीमा रक्षाका लागि निरन्तर आवाज उठाइरहेका सीमा विशेषज्ञ बुद्धिनारायण श्रेष्ठ, नापी विभागका पूर्व महानिर्देशकहरू, लोकप्रिय कलाकार नवल खड्का लगायत विभिन्न क्षेत्रका बुद्धिजीवी, पूर्व राष्ट्रसेवक र युवाहरूबीच अत्यन्त सार्थक छलफल भएको थियो। सहभागीहरूले ऐतिहासिक दस्तावेज, प्रमाणहरू र नेपालको वास्तविक सीमा अवस्थाबारे नयाँ पुस्तालाई गहिरो जानकारी दिएका थिए। अन्तरक्रियामा कालापानी, लिम्पियाधुरा, लिपुलेक लगायतका अतिक्रमित क्षेत्रमा नेपालको बलियो उपस्थिति कायम गर्ने, कूटनीतिक प्रयाससँगै आन्तरिक एकता आवश्यक रहेको निष्कर्ष निकालिएको थियो। राष्ट्रिय जेनजी नागरिक अभियानले सीमा चेतना अभिवृद्धि र युवा पुस्तालाई राष्ट्रिय मुद्दामा सक्रिय बनाउने उद्देश्यले यस्ता कार्यक्रमलाई निरन्तरता दिने बताएको छ।