बनेपा नगरपालिका–७, उग्रचण्डीस्थित बनेपा मार्बल प्यालेस ले उच्च गुणस्तरीय मार्बल, ग्रानाइट, टायल्स र निर्माण सामग्री एकै ठाउँमा उपलब्ध गराउने सुविधा दिदै आएको छ । सञ्चालक सन्दिप अग्रवाल को नेतृत्वमा सञ्चालित यो प्रतिष्ठानले देश–विदेशका ब्राण्डेड सामग्री, निःशुल्क ढुवानी र वारेन्टीसहितको सेवा प्रदान गर्दै स्थानीय निर्माण व्यवसायमा समय, लागत र विश्वसनीयता बढाउने लक्ष्य राखेको छ। प्रस्तुत छ नव क्षितिज साप्ताहिकको लागि अरबिन्द्र गौतमले बनेपा मार्वल प्यालेसका संचालक तथा युवा व्यवसायी सन्दिप अग्रवालसँग गरिएको कुराकानी :
० बनेपा मार्वल प्यालेस व्यवसाय सुरु गर्ने सोच ?
“मेरो विचारमा निर्माण सामग्री आपूर्ति अझै धेरै चुनौति थियो — गुणस्तरिय सामग्री खास गरी उच्च ब्राण्डका मार्बल, ग्रेनाइट आदि काठमाडौँ वा ठूलो शहरमा सहजै जान्थ्यो। मैले महसुस गरेँ, यदि यस्ता सामग्री स्थानीय बजारमा पुग्न सके भने निर्माणकर्ता र घरधनीलाई धेरै फाइदा हुनेछ। साथै, यो लगानीले स्थानिय रोजगार सिर्जना गर्छ, आर्थिक गतिविधि बढाउँछ र निर्माण विश्वसनीयतामा नयाँ विश्वास जगाउँछ।”
० बनेपा मार्वल प्यालेसमा के–के सामग्री उपलब्ध छन्?
यहाँ टायल्स, मार्वल, ग्रेनाइट, बाथरुम फिटिङ्स, सेनेटरी सामान, पाइप फिटिङ्स लगायतका निर्माण सामग्रीहरू थोक मूल्यमा उपलब्ध छन्। सम्पूर्ण वस्तुहरू गुणस्तरीय र ब्राण्डेड छन्। विशेष रूपमा, कजारिया, लेमिनार, प्राइम, एटीएस, साउथ ग्रेनाइट, राजस्थानी मार्वल, ज्याक वार, केरोभिट बाथवेयर जस्ता अन्तर्राष्ट्रिय स्तरका ब्राण्ड पनि उपलब्ध छन्।
० ढुवानी सुविधा र ग्राहक सेवाबारे के भन्नुहुन्छ ?
हामी काभ्रे जिल्लाभर निःशुल्क ढुवानी सेवा दिनेछौं। यसले ग्राहकलाई समय, पैसा र झन्झटबाट बचाउँछ। साथै, हामी ‘मंगलम पाइप फिटिङ्स’ का आधिकारिक डिस्टिब्युटर पनि हौं, जसले भरपर्दो सेवा सुनिश्चित गर्दछ। सम्पूर्ण सामग्रीमा वारेन्टीसहितको सेवा उपलब्ध गराइन्छ।
० तपाईंको दृष्टिमा बनेपा मार्वल प्यालेसले स्थानीय निर्माण व्यवसायमा के प्रभाव पार्नेछ?
“हामीजस्ता निर्माण व्यवसायीका लागि यस्ता प्रतिष्ठान स्वर्ग समान छन्। पहिले काठमाडौँसम्म जानुपर्ने सामग्री अब बनेपामै उपलब्ध हुने भएकाले समय र लागत दुवै बच्नेछ। यसले व्यवसायीको कामलाई सहज बनाउने मात्र होइन, गुणस्तरीय निर्माणमा आमूल परिवर्तन ल्याउने विश्वास छ। यसबाट स्थानीय व्यवसायमा नयाँ आयाम थपिनेछ र ग्राहकहरूमा विश्वासको भावना पनि बलियो हुनेछ।”
० बनेपा मार्वल प्यालेस सञ्चालनमा ल्याउन अनुभव र लगानी ?
“मसँग झण्डै ३० वर्षको व्यवसायिक अनुभव छ। हामीले देश–विदेशका उत्कृष्ट ब्राण्डका सामग्रीहरू उपलब्ध गराउने प्रण गरेका छौं। सेवा, गुणस्तर र ग्राहक सन्तुष्टिलाई हाम्रो पहिलो प्राथमिकता बनाएका छौं।”
० बनेपा मार्वल प्यालेसले यहाँका अन्य सामग्री पसलहरू वा सप्लायर्ससँग कस्ता अन्तर ल्याउनेछ?
“अहिले धेरै आपूर्तिकर्ता — साना पसल वा ठेकेदारहरू सीमित ब्राण्ड, सीमित गुणस्तरमा काम गर्छन्। हाम्रो प्रतिष्ठानले अन्तर्राष्ट्रिय ब्रान्डहरू, प्रिमियम सामग्री र सुनिश्चित वारेन्टी सेवा ल्याउन सक्छ। साथै, निःशुल्क ढुवानीले ग्राहकलाई थप सुविधा दिन्छ, जुन सबैले सहजै उपयोग गर्न सक्ने सुविधा हो।”
० ग्राहक सन्तुष्टि र वारेन्टी सेवामा तपाईंको दृष्टिकोण कस्तो छ ?
“हामी वारेन्टीलाई केवल एउटा वचन होइन, भरोसाको प्रमाण मान्दछौं। यदि कुनै सामग्रीमा दोष वा समस्या आयो भने रिप्लेसमेन्ट, मर्मत वा अन्य सेवा उपलब्ध हुनेछ। यसले ग्राहकलाई दीर्घकालीन सुरक्षा दिन्छ र हाम्रो प्रतिष्ठानलाई विश्वासयोग्य बनाउँछ।”
० अन्तमा, भविष्यका योजना के–के छन् ?
“हामी लगातार नयाँ ब्राण्ड र नवीनतम निर्माण सामग्रीहरू यहाँ उपलब्ध गराउने योजना बनाइरहेका छौं। ग्राहकको आवश्यकता र बजारको मागअनुसार सेवा विस्तार गर्नेछौं। हाम्रो लक्ष्य बनेपा र आसपासका क्षेत्रका निर्माण व्यवसायीहरूलाई सबैभन्दा भरपर्दो र गुणस्तरीय स्रोतको रूपमा चिनाउनु हो।”
