घटनापछि पीडित परिवारले मिलापत्र अस्वीकार गरेसँगै विषय सार्वजनिक भएको थियो। माघ १३ गते विद्यालयमा कुरा बाहिरिएपछि अभिभावकहरू आक्रोशित बनेका छन्। माघ १४ गते ३०० भन्दा बढी अभिभावक विद्यालय परिसरमा भेला भई आरोपित शिक्षकमाथि कडा कारबाहीको माग गरेका थिए।

स्थिति तनावग्रस्त बनेपछि प्रहरीले शिक्षक र प्रधानाध्यापक ध्रुबराज गिरीलाई नियन्त्रणमा लिएर प्रहरी चौकी पुर्‍याएको थियो। यस क्रममा भीडबाट सामान्य हातपातसमेत भएको प्रहरीले जनाएको छ।

बिज्ञापन

प्रहरीका अनुसार शिक्षकलाई बलात्कार प्रयासको आरोपमा र प्रधानाध्यापकलाई घटना लुकाउन खोजेको आरोपमा जिल्ला प्रहरी कार्यालय सिन्धुपाल्चोकको हिरासतमा राखिएको छ। प्रहरी उपरीक्षक काजीकुमार आचार्यले पीडित पक्षको जाहेरी दर्ता भइसकेको र कानुनी प्रक्रिया अनुसार थप अनुसन्धान अघि बढ्ने जानकारी दिएका छन्।