काठमाडौं। दन्त स्वास्थ्य सेवा विस्तारसँगै सामाजिक सेवामा उदाहरणीय काम गर्दै आएको ॐ समाज डेण्टल अस्पताल नेपालमै सबैभन्दा बढी निःशुल्क दन्त स्वास्थ्य शिविर सञ्चालन गर्ने अस्पतालमध्ये अग्रणी संस्थाका रूपमा स्थापित हुँदै गएको छ।
सर्वसाधारणसम्म दन्त उपचार सेवा सहज र सुलभ बनाउने उद्देश्यका साथ अस्पतालले देशका विभिन्न स्थानमा नियमित रूपमा स्वास्थ्य शिविर सञ्चालन गर्दै आएको छ।
अस्पतालका अनुसार एक वर्षमा मात्रै २५० भन्दा बढी निःशुल्क दन्त स्वास्थ्य शिविर सञ्चालन गरिँदै आएको छ। विद्यालय, कलेज, विभिन्न कम्पनी तथा कार्यालयका कर्मचारीहरू रहेको स्थान, सार्वजनिक चोक–चौराहा, समुदाय तथा दुर्गम बस्तीमा पुगेर अस्पतालले स्वास्थ्य सेवा प्रदान गर्दै आएको छ। यस्ता शिविरमार्फत हजारौं नागरिकले दन्त परीक्षण, परामर्श तथा प्राथमिक उपचार सेवा पाउँदै आएका छन्।
विशेषगरी आर्थिक अवस्था कमजोर भएका तथा दन्त उपचारका लागि अस्पतालसम्म पुग्न नसक्ने नागरिकहरूलाई लक्षित गरी सञ्चालन गरिएका शिविरहरू निकै प्रभावकारी बन्दै गएका छन्। यसले दन्त रोगको प्रारम्भिक पहिचान, उपचार तथा जनचेतना फैलाउन पनि महत्वपूर्ण योगदान पुर्याएको छ। धेरै नागरिकले समयमै उपचार पाउन नसक्दा जटिल समस्या भोग्नुपर्ने अवस्थालाई मध्यनजर गर्दै अस्पतालले समुदायमै पुगेर सेवा दिने अभियानलाई निरन्तरता दिएको छ।
हाल ॐ समाज डेण्टल अस्पताल काठमाडौं र ललितपुरमा गरी चार स्थानमा तथा महोत्तरीको बर्दिबासमा एक स्थान गरी पाँच स्थानबाट सेवा प्रदान गर्दै आएको छ। आधुनिक उपकरण, अनुभवी चिकित्सक र दक्ष स्वास्थ्यकर्मीको टोलीमार्फत अस्पतालले दन्त उपचारलाई प्रभावकारी बनाउँदै आएको छ।
अस्पतालले निःशुल्क स्वास्थ्य शिविरलाई अझ व्यवस्थित बनाउन प्रत्येक महिना नियमित तालिका समेत तय गरेको छ। जसअनुसार पहिलो शनिबार काठमाडौंको नैकाप क्षेत्रमा शिविर सञ्चालन हुन्छ भने दोस्रो शनिबार ललितपुरको सातदोबाटो (चापागाउँ दोबाटो) क्षेत्रमा सेवा प्रदान गरिन्छ। त्यस्तै तेस्रो शनिबार चाबहिल चोकमा तथा चौथो शनिबार बन्स्थली चोकमा निःशुल्क दन्त स्वास्थ्य शिविर सञ्चालन हुने गरेको छ।
यसका अतिरिक्त महोत्तरीको बर्दिबास क्षेत्रमा पनि प्रत्येक हप्ता विभिन्न चोक–चोकमा पुगेर दन्त स्वास्थ्य शिविर सञ्चालन गरिँदै आएको छ। यसरी नियमित रूपमा समुदायमै पुगेर सेवा प्रदान गरिँदा स्थानीय नागरिकहरू प्रत्यक्ष रूपमा लाभान्वित भएका छन्।
सामाजिक सेवामुखी यस अभियानका कारण ॐ समाज डेण्टल अस्पताल धेरै सर्वसाधारणको रोजाइमा पर्न सफल भएको छ। सडकदेखि सदनसम्मका विभिन्न पेशा र वर्गका मानिसहरूले अस्पतालबाट सेवा लिइरहेका छन्। दन्त स्वास्थ्यलाई केवल अस्पतालभित्र सीमित नराखी समाजमै पुगेर सेवा दिने अस्पतालको अभियानलाई धेरैले प्रशंसनीय कार्यका रूपमा लिएका छन्।
यस अस्पतालको नेतृत्व गरिरहेका अध्यक्ष डाक्टर सुवास घिमिरे सामाजिक सेवाप्रति समर्पित चिकित्सकका रूपमा परिचित छन्। उनले दन्त स्वास्थ्य सेवालाई सर्वसाधारणको पहुँचसम्म पुर्याउने उद्देश्यले विभिन्न सामाजिक अभियानहरू सञ्चालन गर्दै आएका छन्। डा. घिमिरेको नेतृत्वमा अस्पतालले निःशुल्क स्वास्थ्य शिविर, जनचेतनामूलक कार्यक्रम तथा सामाजिक सेवामुखी अभियानलाई निरन्तरता दिँदै आएको छ।
डा. घिमिरेको भनाइ अनुसार दन्त स्वास्थ्य मानिसको समग्र स्वास्थ्यसँग प्रत्यक्ष रूपमा जोडिएको विषय हो। तर नेपालमा अझै पनि धेरै मानिसले दन्त स्वास्थ्यलाई पर्याप्त महत्व नदिने अवस्था रहेको छ। यही कारणले समयमै परीक्षण र उपचार नपाउँदा धेरै नागरिकले जटिल समस्या भोग्नुपरेको छ। यस्तो अवस्थालाई परिवर्तन गर्न समुदायस्तरमै पुगेर सेवा दिनु आवश्यक रहेको उनी बताउँछन्।
उनले सामाजिक सेवामार्फत स्वास्थ्य सेवा विस्तार गर्नु चिकित्सकको कर्तव्य पनि भएको उल्लेख गर्दै आर्थिक अवस्था कमजोर भएका नागरिकलाई निःशुल्क सेवा उपलब्ध गराउन आफूहरू निरन्तर प्रयासरत रहेको बताए। डा. घिमिरेको सेवाभाव, सरलता र समाजप्रतिको समर्पणका कारण उनी धेरै बिरामी र शुभेच्छुकको मन–मुटुमा बस्न सफल भएका छन्।
नेपालमा मात्र होइन, विदेशमा रहेका नेपाली समुदायबीच पनि उनको सामाजिक सेवा र स्वास्थ्य अभियानको चर्चा हुने गरेको छ। धेरैले उनलाई दन्त स्वास्थ्य क्षेत्रमा मात्र नभई सामाजिक सेवामा समेत उदाहरणीय व्यक्तित्वका रूपमा लिने गरेका छन्।
सामाजिक उत्तरदायित्वलाई प्राथमिकतामा राख्दै अघि बढिरहेको ॐ समाज डेण्टल अस्पताल ले आगामी दिनहरूमा पनि निःशुल्क स्वास्थ्य शिविरलाई अझ विस्तार गर्ने योजना बनाएको जनाएको छ। सर्वसाधारणलाई सहज, सुलभ र गुणस्तरीय दन्त उपचार सेवा प्रदान गर्दै समाजसेवामा निरन्तर सक्रिय रहने अस्पतालको प्रतिबद्धता रहेको छ।
यही कारणले आज ॐ समाज डेण्टल अस्पताल धेरै नागरिकका लागि उपचार मात्र नभई भरोसा र आशाको केन्द्रका रूपमा स्थापित हुँदै गएको छ।
