बनेपा — राष्ट्रिय सहकारी बैंक लिमिटेड बनेपा शाखाको आयोजना तथा कृषि सहकारी संघ लिमिटेड काभ्रेको समन्वयमा शुक्रबार बनेपास्थित बिन्ध्यवासीनी सहकारी संस्था लिमिटेडको सभाकक्षमा कर्जा सम्बन्धी अभिमुखीकरण तालिम सम्पन्न भएको छ।
बिज्ञापन
कार्यक्रममा राष्ट्रिय सहकारी बैंक लिमिटेडका लघुवित्त उपसमितिका सदस्य के.बी. लामा, बनेपा शाखाका प्रमुख उपेन्द्र दाहाल तथा बैंकको कर्जा विभागका अधिकृत रादिप चौहानले प्रशिक्षण दिएका थिए।
तालिमको समापन जिल्ला कृषि सहकारी संघ काभ्रेका अध्यक्ष हरिचन्द्र घिमिरेले गर्नु भएको थियो।
यस कार्यक्रममा काभ्रे जिल्लाभरिका २० वटा कृषि तथा उत्पादनमुखी सहकारी संस्थाका प्रतिनिधिहरुको सहभागिता रहेको आयोजकले जानकारी दिएका छन्।
