आफ्नै कमजोर शरीर ले साथ नदिने नजरमानका लागि संसार हेर्ने आँखा उनकी श्रीमती सुनमाया गोले नै थिइन्। छ जना छोरी, एक जना छोरा र स्वयं अशक्त श्रीमान सबैको जीवन धानेर राखेकी थिइन् ५८ वर्षीया सुनमाया। बिहानदेखि साँझसम्म खेतबारी, घरधन्दा, छोराछोरीको पालन पोषण, चिन्तासबै जिम्मेवारी एउटै शरीरले बोकेको थियो।

तर यतिबेला नियतिले त्यही शरीरमाथि अर्को क्रूर प्रहार गर्‍यो।

बिज्ञापन

हालै चिकित्सकले सुनमायालाई घाँटीको क्यान्सर भएको पुष्टि गरेपछि गोले परिवारको जीवन झन् अँध्यारो बनेको छ। घरको एकमात्र आधार स्तम्भ नै मक्किन थालेपछि परिवार तनाव, भय र निराशाको दलदलमा फसेको छ। उपचार त परको कुरा, अस्पतालसम्म पुग्ने खर्च जुटाउन पनि परिवारसँग कुनै उपाय छैन।

पहिलेदेखि नै नाजुक आर्थिक अवस्था, त्यसमाथि दीर्घरोग—गोले परिवार आज जीवन र मृत्युको दोसाँधमा उभिएको छ। आमाको उपचार नहुँदा छोराछोरीको भविष्य पनि जोखिममा पर्दै गएको छ। बाबु अशक्त, आमा गम्भीर रोगी—यी बालबालिकाका आँखामा आज डर र असहायता स्पष्ट देखिन्छ।

यतिबेला गोले परिवारले समाजका सबै संवेदनशील मनहरू, संघसंस्था, दातृ निकाय तथा सहयोगी हातहरू समक्ष मानवीय सहयोगको याचना गरेको छ। उपचारका लागि आवश्यक आर्थिक सहयोग जुट्न सके सुनमायाको जीवन जोगिन सक्छ, एउटा परिवार फेरि उज्यालोतर्फ फर्किन सक्छ।

परिवारलाई सहयोग गर्न चाहनुहुने महानुभावहरूले तल दिइएको सम्पर्क नम्बर तथा बैंक विवरणमार्फत सहयोग गर्न सक्नुहुनेछ।

छोरा : 9746459525

43115243400113 सुन माया गोले 

नेपाल एस बि आइ बैंक खानिखोला

तपाईंको सानो सहयोगले कसैको अमूल्य जीवन बचाउन सक्नेछ।

तल दिइएको QR देवर को qr मा स्क्यान गरी सहयोग गर्न सक्नुहुने छ ।