
निर्वाचन आयोगले निर्वाचन आचारसंहिता लागू गर्ने तयारी गरेको छ । मतदान हुनुभन्दा ५०/५२ दिन अगाडि निर्वाचन आचारसंहिता लागू गर्ने अभ्यास छ ।
आयोगका प्रवक्ता नारायणप्रसाद भट्टराईले शुक्रबार आयोजित पत्रकार सम्मेलनमा भनेका छन्, ‘गत निर्वाचनहरूमा आयोगले ५०/५२ दिन अगाडिदेखि निर्वाचन आचारसंहिता जारी गर्ने गरेको अभ्यास छ । त्यही अभ्यासलाई पच्छ्याउँदै आगामी दिनमा आयोगले आचारसंहिता लागू गर्ने मिति निर्धारण गरेर लागू गर्नेछ ।’

आयोगले आचारसंहिता पारित गरिसकेको छ । प्रवक्ता भट्टराईका अनुसार राजनीतिक दल र सरोकारवाला सबैको सुझाव लिए आचारसंहिता तयार पारिएको छ ।
बिज्ञापन

सूचना प्रविधिको प्रयोगको नियमन हुने विषय आचारसंहितामा छ ।




