शुक्रबार रास्वपा पार्टी कार्यालय बनस्थलीमा रास्वपाका नेताहरुले पोखरेललाई रास्वपामा प्रवेश गराएका हुन् । रास्वपाले पोखरेललाई केन्द्रीय अनुशासन आयोगको बरिष्ठ सल्लाहकारको जिम्मेवारी दिइएको छ । रास्वपा प्रवेश गरेपछि पोखरेलले मुलुकको बिकास र समृद्धि गर्ने भरोसाको पार्टी रास्वपामात्रै भएको बताए ।

बिज्ञापन

मुलुकको परिवर्तनका लागि इमान्दार व्यक्ति जोडिएको पार्टी रास्वपा नै भएकाले आफु पार्टी प्रवेश गरेको उनले बताए । उनले रवि लामिछानेमाथि अन्याय भएकाले त्यसको बिरुद्ध लडाइ गर्ने उल्लेख गरे । आफु कानूनको विद्यार्थी समेत भएकाले व्यक्ति हेरेर कानूनको व्याख्या हुन्छ भन्नेमा आफु जानकार रहेको उनको भनाइ छ ।

उनले रवि लामिछानेले सुशासनका लागि गरेको कामबाट त्रसित भएर फसाउने काम गरेको तर्क गरे ।

पोखरेलले आफ्नो जीवनको सम्पूर्ण अनुभवले रास्वपालाई अघि बढाउने धारणा राखे ।