नेपालको प्रतिष्ठित सौन्दर्य प्रतियोगिता “मिस एण्ड मिसेस नेपाल इन्टरनेशनल वर्ल्ड २०२५”, जुन सामरी इन्टरनेशनलले आयोजना गरेको हो, यसको भव्य सफलता समारोहमा एक ऐतिहासिक दृश्य देख्न सकियो — जहाँ संस्थाका अध्यक्ष भरत सामरी आफ्ना सुपुत्र रियान सामरीसँगै उपस्थित थिए।
उस्तै पोशाक र उस्तै व्यक्तित्वमा सुसज्जित बुबा–छोराको उपस्थिति मात्र होइन, त्यो क्षण आफैंमा एउटा सन्देश थियो — “दुई पुस्ता, एउटै सपना र निरन्तरता एउटै विरासतको।”
यो दृश्यले सामरी इन्टरनेशनलको यात्रालाई अझ विशेष बनायो, जसले राष्ट्रिय तथा अन्तर्राष्ट्रिय स्तरमा नेपाली प्रतिभा, सौन्दर्य र आत्मविश्वासलाई विश्व मञ्चमा चिनाउने कार्यमा अग्रसर रहँदै आएको छ।
भरत सामरीले बताए, “यो केवल एउटा कार्यक्रमको सफलता होइन, हाम्रो टीम, हाम्रो सपना र नयाँ पुस्ताको प्रेरणाको प्रतिक हो।”
त्यस्तै, रियान सामरीले पनि आफ्नो बुबाको साथमा उभिन पाउँदा गर्व महसुस भएको बताएका छन्।
दुई सामरी, एउटै लक्ष्य — नेपाली प्रतिभाको सम्मान र विश्वसम्म पुर्याउने हाम्रो यात्रा निरन्तर रहोस्।
