बनेपा – आवर स्ट्यार्डड बचत तथा ऋण सहकारी संस्था लिमिटेडको एघारौं औ वार्षिक साधारण सभा संस्थाका अध्यक्ष रत्नकुश रजिंतकारको अध्यक्षतामा सम्पन्न भएको छ ।
शनिबार बनेपाको पार्टी भेन्युमा सम्पन्न साधारणसभाको प्रमुख अतिथि बागमती प्रदेश बचत तथा ऋण सहकारी संघ (बागमती प्रोस्कून) अध्यक्ष उद्धव सापकोटाले पानसमा बत्ती बालेर कार्यक्रमको उद्घाटन गर्नु भएको थियो ।
प्रमुख अतिथि सापकोटाले देशको आर्थिक विकासको मेरुदण्डको रुपमा रहेको सहकारीको विकासमा सरकारले विशेष ध्यान दिनुपर्ने बताउनु भयो। उहाँले देशको आर्थिक विकासका लागि सहकारीले गरेको योगदानको बारे चर्चा समेत गर्नुभएको थियो ।
सभामा अध्यक्ष रत्नकुश रजिंतकारले विभिन्न चुनौतिका विचमा समेत सस्थाले उल्लेख्य प्रगती गरेको बताउनु भयो । सस्था सहकारी ऐन नियम विधि र सिद्धान्तको अधिनमा सञ्चालन भएको जानकारी दिदै काभ्रे जिल्लामा नै पहिलो पटक सहकारी आफैंले आन्तरिक अनुगमन तथा स्व मुल्यांकन समिति गठन गरि अख्तियारको काम गर्ने बताउनु भयो ।
सभामा सस्थाको आर्थिक वर्ष २०७९/०८० को प्रगति प्रतिबेदन सचिब बुद्धभक्त रंजितले आर्थिक प्रतिबेदन कोषाध्यक्ष सर्जुकुमार रंजितकारले लेखा तथा सुपरिबेक्षण समितीको प्रतिबेदन संयोजक सुदिना रजिंतले प्रस्तुत गर्नु भएको थियो ।
सस्थाको शेयर पुजीं ८४ लाख ९४ हजार, बचत संकलन १२ करोड ७५ लाख ७५ हजार दुई सय पचास , ऋण लगानी १२ करोड ९५ लाख ५५ हजार, आम्दानी २ करोड २२ लाख ३४ हजार रहेको जनाएको छ । कार्यक्रममा सस्थामा कारोबार गर्ने उत्कृष्ट बचत कर्ता, बाल सदस्य, ऋणीहरुलाई सम्मान गरेको थियो ।
कार्यक्रममा स्वागत मन्तब्य उपाध्यक्ष ठाकुर प्रसाद बजगाईले राख्नु भएको थियो । कार्यक्रममा संस्थाका प्रवन्धक राजाराम घोरसाईनेले सहकारी अभियानले छरिएर रहेका पुँजी, श्रम र सीपलाई एकीकृत गर्दै मुलुकको गरिवी न्युनीकरण र समग्र आर्थिक र सामाजिक विकासमा महत्वपूर्ण योगदान पुर्याएको बताउनुभयो । सहकारीलाई बलियो बनाउदै सहकारीहरुको लगानी उत्पादन क्षेत्रमा लगानीका लागी राज्यले प्रत्सोहान गर्नु पर्ने घोरसाईनेले बताउनु भयो ।
