दाङ, मंसिर १४ सीता देबकाेटा
राष्ट्रिय लोक भजन चुड्का संस्कृत संरक्षण प्रतिष्ठान जिल्ला दाङको तेस्रो साधारणसभा दङ्गिशरण गाउँपालिका–४ लानेश्वर शिवालय प्राङ्गणमा आज सम्पन्न भएको छ। प्रतिष्ठानका जिल्ला बरिस्ठ खुल्ला उपाध्यक्ष सीता देवकोटाको स्वागत मन्तव्यबाट सुरु भएको कार्यक्रम सभाध्यक्ष लिला बहादुर बस्नेतको अध्यक्षतामा अघि बढेको थियो।
कार्यक्रमका मुख्य अतिथि दङ्गिशरण गाउँपालिकाका अध्यक्ष शम्भु गिरि रहनुभएको थियो। सोही कार्यक्रमलाई विशिष्ट अतिथि केन्द्रीय उपमहासचिव नारायण भुसाल, केन्द्रीय कलाकार तथा सदस्य घनश्याम पाण्डे, प्रदेश सदस्य निम बहादुर खड्का, प्रदेश सदस्य तेज बहादुर वलि,गाउँपालिका अध्यक्ष टेकबहादुर डाँगी, जिल्ला सदस्य, गाउँपालिका सदस्य कोमलकान्त भट्टराई लगायतका अतिथिहरूले सम्बोधन गरेका थिए।
साधारणसभामा
जिल्ला सचिवले वार्षिक प्रतिवेदन प्रस्तुत गरे,
जिल्ला कोषाध्यक्षले आर्थिक प्रतिवेदन पेश गरे,
जिल्ला सल्लाहकार शेषमणि रिजालले दाङ जिल्लाको परिचय तथा संस्थाको भूमिकाबारे जानकारी दिए।
कार्यक्रमको सहजीकरण दिपेन्द्र डाँगीले गरेका थिए।
साधारणसभामा अतिथि तथा सहभागीहरूले चुड्का भजन, स्थानीय संस्कृति तथा धार्मिक परम्परा संरक्षणका विषयमा आफ्ना धारणा राख्दै संस्थाले गर्दै आएका गतिविधिलाई प्रशंसनीय बताएका थिए।
कार्यक्रम सफल बनाउन दङ्गिशरण गाउँपालिका, सम्पूर्ण पदाधिकारी, आमन्त्रित अतिथि, पत्रकार तथा उपस्थित भक्तजनप्रति प्रतिष्ठान तथा जिल्ला वरिष्ठ खुल्ला उपाध्यक्ष सीता देवकोटाले हार्दिक आभार व्यक्त गर्नुभएको छ।
जय राष्ट्रिय लोक भजन चुड्का, जय संस्कृत संरक्षण !
