भकुण्डेवेशी – न्यायिक क्षमता अभिवृद्धिको लागि नमोबुद्ध नगरपालिकाले मेलमिलापकर्तालाई अभिमुखिकरण गरेको छ । नगरपालिकाको न्यायिक समितिमार्फत न्याय सम्पादनमा सहज होस् र मेलमिलापमार्फत नै समस्या समाधान गर्न सहयोग पुगोस् भन्ने उद्धेश्यले अभिमुखिकरण गरिएको न्यायिक समितिमा कार्यरत अधिकृत गोविन्दप्रसाद सापकोटाले जानकारी दिए ।

सहभागी विभिन्न वडाका मेलमिलापकर्ताहरुले वडा तहमा सेवा दिनको लागि छुट्टै कार्यालय, फर्निचरको व्यवस्था नभएको भन्दै सो व्यवस्था गरिदिन अनुरोध गरेका थिए । नगरमा सुचिकृत मेलमिलापकर्ताहरु विस्तारै विस्थापन र अन्यत्र पेशामा पलायन भएको भन्दै उनीहरुले तालिम, अध्ययन, अबलोकनमार्फत पुनर्ताजगी गराउनुपर्ने बताए ।

अभिमुखिकरण तथा अन्तरक्रिया कार्यक्रम उद्धघाटन गर्दै नगर प्रमुख कुनसाङ लामाले कार्यालय व्यवस्थापन, क्षमता अभिवृद्धि लगायत बिषयमा नगरपालिकाले सहयोग गर्ने प्रतिवद्धता व्यक्त गरे । नगर उपप्रमुख रत्नबहादुर लामाले मेलमिलापकर्ताले तल्लो तहमा नै विवाद समाधान गरे न्यायिक समितिलाई सहयोग हुने भन्दै मेलमिलापकर्ताको क्षमता अभिवृद्धिको लागि नगरपालिकाले विभिन्न योजना ल्याउने बताए ।

कार्यक्रममा नगरपालिकाका प्रमुख प्रशासकीय अधिकृत शिवप्रसाद लम्साल, न्यायिक समितिका सदस्य समेत रहेका वडा नं ७ का अध्यक्ष धर्मसिं लामालगायतले स्थानीय तहको न्यायिक अधिकारका बिषयमा चर्चा गरेका थिए ।
कार्यक्रममा नमोबुद्ध नगरपालिकाका कानूनी सल्लाहकार महेन्द्र थिङले मेलमिलाप सम्बन्धी विद्यमान कानून, ऐन, नियमहरुका बारेमा कार्यपत्र प्रस्तुत गरेका छन् । न्यायिक समितिको तथ्याकं अनुसार, नमोबुद्धमा ५४ जना सुचिकृत मेलमिलापकर्ता छन् । चालु आर्थिक बर्षमा जिम्मेवारी सरेर आएका २२ उजुरी मध्ये १६ वटा निरुपण भएका छन् भने ६ वडा बाँकी छन् । यो बर्ष परेका १० उजुरी मध्ये २ वटा फैसला भएका छन् भने ४ वटा मेलमिलाप भएका छन् । १० वटा मुद्दा चालु छन् ।

तपाईको प्रतिक्रिया

५ वर्षमा बनेपा केहिन केही परिवर्तन हुनेछ|| काम गर्न दिनुहोस् ||समृद्ध बनेपा बनाउने अभियानमा छौ …..