काठमाडौं,
मंसिर १५ ।
एसीसी यू-१९ पुरूष प्रिमियर कपको उपाधिका लागि आज (सोमबार) नेपाल र घरेलु टोली युनाइटेड अरब इमिरेट्स (यूएई)बीच प्रतिस्पर्धा हुँदैछ ।
बिज्ञापन
लगातार दोस्रो पटक उपाधिको लक्ष्यसहित यूएई पुगेको नेपाली युवा टिमले उपाधिका लागि घरेलु टिमको सामना गर्न लागेको हो । यूएईको अमजानमा हुने यो खेल विहान पौने ११ बजे सुरू हुनेछ ।
नेपाल प्रतियोगितामा अपराजित रहँदै फाइनलसम्म पुगेको हो। समूह चरणमा नेपालले साउदी अरेबिया र हङकङलाई फराकिलो अन्तरले हराउँदै सेमिफाइनलमा स्थान बनाएको थियो ।
समूह सी को विजेता नेपालले सेमिफाइनलमा मलेसियासँग खेलेको थियो नेपालले मलेसियालाई ५१ रनमा नै अलआउट गरेको थियो ।
नेपाली टिम लगातार दोस्रो उपाधिको पर्खाइमा छ। यता अर्को फाइनालिस्ट टिम यूएईले ओमान माथि आठ विकेटको जित निकालेर नेपालसँगको भेट पक्का गरकेको हो ।
