काभ्रेपलान्चोक – बिगत २८ वर्ष देखि निरन्तर प्रकाशित काभ्रे टाइम्स साप्ताहिक पत्रिकालाई एक समारोहकोबीच रोटरी क्लब अफ पनौतीले सम्मान गरेको छ।
“ग्रामिण विकासका लागि सञ्चार कर्म” भन्ने अठोट लिई सञ्चार क्षेत्रको बिकसमा तथ्य सहितको सत्य समाचार उजागर गरी विद्ययमान अवस्थामा रहेको बिकृती ,बेथिती विरुद्ध नागरिकको आवाजलाई सशक्तरूपमा बुलन्द गर्दै दर्बिलो खम्बाको रूपमा उभिएको छ काभ्रे टाइम्स सञ्चार ।
कर्ममा महत्वपूर्ण योगदान पुर्याएकोमा काभ्रे टाइम्स साप्ताहिकलाई आयोजक सस्थाले सम्मान गरेको हो । रोटरी क्लब अफ पनौतीको संयोजनमा, संस्थापक अध्यक्ष प्रा.डा. सुमन राज ताम्राकारका पिताको स्मृतिमा स्थापित पुस्पराज स्मृति रोटरी पत्रकारीता सम्मानद्धारा पत्रिकाका कार्यकारी सम्पादक रमेश प्रसाद न्यौपानेलाई रोटरी क्लब अफ पनौतीको ९ औँ पदहस्तान्तरण कार्यक्रममा रोटरी डिस्ट्रिक ३२९ का पूर्व डिस्ट्रिक गभर्नर जितेन्द्र बहादुर राजभण्डारीबाट सम्मानित हुन पाउँदा गर्व लागेको बताए ।
क्लबका अध्यक्ष मणि सापकोटा ,निवर्तमान अध्यक्ष मधुसुधन गुरागाईं र सस्थापक अध्यक्ष प्रा .डाक्टर सुमन राज ताम्राकार र आयोजक सस्थाप्रति धन्यवाद व्यक्त गरेका छन् । साथै सोहि अवसरमा धुलिखेल अस्पतालका पुर्ब डिन एबम वरिष्ठ मुटुरोग विशेषज्ञ डाक्टर राजेन्द्र कोजु सम्मानित भएका छन् ।
