काठमाडौं । नेपाल आयल निगमले पेट्रोल, डिजेल र मट्टितेलको मूल्य घटाएको छ । घटाइएको मूल्य बिहीबार राति १२ बजेदेखि लागू भएको निगमले जनाएको छ ।
निगम सञ्चालक समितिको निर्णयअनुसार पेट्रोलको मूल्य प्रतिलिटर ३ रुपैयाँले घटाइएको छ भने डिजेल र मट्टितेलमा प्रतिलिटर १–१ रुपैयाँको कटौती गरिएको छ ।
बिज्ञापन
नयाँ मूल्यसूचीअनुसार पेट्रोल प्रतिलिटर १५६ रुपैयाँमा बिक्री हुने छ । त्यस्तै, डिजेल र मट्टितेलको मूल्य प्रतिलिटर १३६ रुपैयाँ कायम गरिएको छ ।
इन्डियन आयल कर्पोरेसनबाट माघ १ गते प्राप्त पेट्रोलियम पदार्थको नयाँ खरिद मूल्यका आधारमा नेपालमा इन्धनको मूल्य समायोजन गरिएको निगम सञ्चालक समितिले जानकारी दिएको छ ।
