१२ औं ‘लिटिल एण्ड टिन प्रिन्स एण्ड प्रिन्सेज इन्टरनेशनल २०२३’मा एकसाथ ६ विजेता छानिए छन् । जमलस्थित राष्ट्रिय नाचघरमा शनिबार अबेर साँझ सम्पन्न प्रतियोगितामा ‘मिनि गर्ल’, ‘मिनि ब्वाई’, ‘लिटिल गर्ल’, ‘लिटिल ब्वाई’, ‘टिन गर्ल’ र ‘टिन ब्वाई’ गरेर एकसाथ ६ विजेता घोषित भए । भब्य समारोहका विच आयोजित प्रतियोगितात्मक कार्यक्रममा ‘मिनि गर्ल’ तर्फ एलभिरा महर्जन विजेता चुनिदा प्रनवीश्री सिंह फष्ट रनरअप, मेलिसा मल्ल सेकेन्ड रनरअप, क्रिभा बज्राचार्य थर्ड रनर अप भए । ‘मिनि ब्वाई’ तर्फ ओजस राज श्रेष्ठले शिर्ष उपाधि चुम्दा यही प्रतियोगितामा क्रमश विभत्सु उपाध्याय, सक्क्षम थापा, जोसेफ पराजुली फष्ट रनरअप, सेकेन्ड रनरअप र थर्ड रनरअप भए । 

त्यस्तै ‘लिटिल गर्ल’ तर्फको उपाधि भने दर्शना संग्रौलाले हात पारिन् । यही प्रतियोगीता तर्फ आनिया शाक्य फष्ट रनरअप, संमृद्धी के.सी. सेकेन्ड रनरअप, मानष्भी तुलाधर थर्ड रनर अप भए ।

‘लिटिल ब्वाई’ तर्फ सम्यक श्रेष्ठ विजेता घोषित हुँदा आदित्य अधिकारी, विभुषण केसी, नयन बाँनिया क्रमश फष्ट रनरअप, सेकेन्ड रनरअप र थर्ड रनरअप बन्न सफल भए ।

भब्य समारोह विच आयोजित कार्यक्रममा ‘टिन गर्ल’ श्रीज्ञा महर्जनले उपाधि प्राप्त गरिन् । यही प्रतियोगितामा युरेका रिजाल फष्ट रनरअप, जोरुफा फुयाल सेकेन्ड रनरअप भए । ‘टिन ब्वाई’ तर्फको उपाधि भने स्वरुप केसी हात पारे । यही प्रतियोगितामा प्रत्युस ढकाल र आरोज्ञ गिरी क्रमश फष्ट रनरअप, सेकेन्ड रनरअप भए ।

बालबालिकाको प्रतिभा निखार्दै उनीहरुलाई भविष्य निर्माणमा सक्षम बनाउने उद्देश्यले प्रतियोगिता आयोजना हुँदै आएको आयोजक रेडियन्ट इभेन्ट म्यानेजमेन्ट एजेन्सीका प्रबन्ध निर्देशक, अन्तर्राष्ट्रिय मोडल तथा फेसन कोच राज फैजुले बताए । फैजु एक दशक भन्दा बढी समयदेखि गुणस्तरीय राष्ट्रिय तथा अन्तर्राष्ट्रिय सौन्दर्य प्रतियोगिताहरु को आयोजना गर्दै आएका छन् ।

रेडियन्ट इभेन्ट म्यानेजमेन्ट एजेन्सीले आयोजना गरेको प्रतियोगिताको फाइनल स्पर्धामा सम्पुर्ण देवापाटे (प्रिन्सिपल हेड अफ एकडेमिक्स, माछापुच्छ्रे आइबी वल्र्डr स्कुल, नेहरु जोशी (आइबिपीवाइपी कोअडिनेटर जिनियस आइबि वल्र्ड स्कुल), आकाश श्रेष्ठ (हेड अफ मार्केट्रिङ एण्ड कम्युनिकेसन युनिग्लोव स्कुल प्रोफेसनल एजुकेटर्स लिमिटेड), अमन हिटाङ (फाउन्डर प्रिन्सिपल संस्कार गुरुकुल), आशोक पाण्डे (प्रिसिन्सल अफ सेमरक निस्ट स्कुल) निर्णायक रहेका थिए ।

७ वर्षदेखि १५ वर्षसम्मका विद्यालयमा अध्ययनरत बालबालिकाको सहभागिता रहेको प्रतियोगीको कोरियोग्राफी अन्तर्राष्ट्रिय फेसन कोच राज फैजु आफैंले गरेका थिए भने ड्रेस डिजाइन श्रीषा बैदारले गरेकी थिइन् । विजेता सबैले उपाधिका साथमा विभिन्न अवसर समेत प्राप्त गरेका छन् । – Sansar’s Online News बाट