काठमाडौं । नेकपा एमालेका युवा नेता गोकुल बास्कोटाले पार्टीभित्र हार–जितलाई स्वाभाविक प्रक्रियाका रूपमा स्वीकार गर्दै संगठनलाई बलियो बनाउने प्रतिबद्धता व्यक्त गरेका छन्। सामाजिक सञ्जालमार्फत आफ्नो धारणा सार्वजनिक गर्दै उनले जिम्मेवारी र भूमिकाबारे स्पष्ट सन्देश दिएका हुन्।
बास्कोटाले लेखेका छन्, “भनेकै थिए—जिते चलाउने, हारे सघाउने। खाल हारियो, च्याँखे जितियो। अब लाए अराएको गर्ने, नलाए सुन्ने, हेर्ने र ताली बजाउने।”
उनले नेतृत्व नपाए पनि पार्टी हितमा साथ, सहयोग र रचनात्मक भूमिकाबाट पछि नहट्ने संकेत गरेका छन्।
बिज्ञापन
उनको यो अभिव्यक्तिलाई पार्टीभित्रको लोकतान्त्रिक अभ्यासको सम्मान, परिणाम स्वीकृतिको संस्कार र जिम्मेवार राजनीतिक संस्कृतिको सन्देशका रूपमा हेरिएको छ।
