प्रहरीका अनुसार, बिहीबार धनगढी उपमहानगरपालिका वडा नम्बर ११ को बेलाबाट दुई जना र गोदावरी नगरपालिका अत्तरिया बजार क्षेत्रबाट दुई जना पक्राउ भएका हुन्।
धनगढी–११ बेलामा शंकास्पद अवस्थामा हिँडिरहेको देखिएका २८ वर्षीय अर्जुन चौधरी र ३२ वर्षीय आशाराम चौधरीलाई लागूऔषधसहित पक्राउ गरिएको हो। उनीहरूको साथबाट ८ ग्राम ५८० मिलिग्राम खैरो हेरोइन बरामद भएको छ। दुवै जनालाई वडा प्रहरी कार्यालय धनगढी, लागूऔषध नियन्त्रण ब्युरो र अस्थायी प्रहरी पोस्ट अम्बिकाटोलबाट खटिएको संयुक्त टोलीले नियन्त्रणमा लिएको हो।
त्यस्तै, गोदावरी नगरपालिका–२ का २२ वर्षीय बिशाल सिंह र २० वर्षीय घर्मेन्द्र सुनारलाई पनि अत्तरिया बजार क्षेत्रबाट शंकास्पद रूपमा हिँडिरहेको अवस्थामा पक्राउ गरिएको छ। उनीहरूको साथबाट ७ ग्राम ६८० मिलिग्राम खैरो हेरोइन बरामद भएको प्रहरीले जनाएको छ।
बिज्ञापन
