काठमाडौं । आगामी फागुन २१ गते हुने प्रतिनिधिसभा सदस्य निर्वाचन प्रयोजनका लागि नेकपा एमालेसहित निर्वाचन आयोगमा हालसम्म ६६ दल दर्ता भएका छन् ।
निर्वाचन आयोगका प्रवक्ता नारायणप्रसाद भट्टराईले आयोगमा हालसम्म दर्ता कायम भएका १३२ दलमध्ये ६१ दलले प्रतिनिधिसभा निर्वाचन प्रयोजनका लागि दल दर्ता गरेको जानकारी दिए । मंसिर १० गतेसम्म प्रतिनिधिसभा सदस्य निर्वाचन प्रयोजनका लागि दल दर्ता जारी रहने उनले बताए ।
एमालेले मंगलबार नै आयोग पुगेर निर्वाचन प्रयोजनका लागि दल दर्ता गरेको थियो । निर्वाचन आयोगले निष्पक्ष रुपमा निर्वाचन गर्ने प्रयत्न गरिरहेको भन्दै प्रवक्ता भट्टराईले दलहरुको अधिकतम सहभागीताले निष्पक्ष निर्वाचनलाई थप सुनिश्चित गर्ने वातावरण निर्माण हुने उल्लेख गरे । त्यस्तै उनले निर्वाचनका लागि बजेट अभाव नहुने बताए ।
उनले निर्वाचन प्रयोजनका लागि अर्थमन्त्रालयको तर्फबाट ४ अर्व ९६ करोड रुपैँया बजेटको स्रोत सुनिश्चिता भएको जानकारी दिए ।
