ब्राजिलका लागि ग्रीक राजदूतकी पत्नीलाई आफ्नै श्रीमानको हत्याको योजनाकार पुष्टि गर्दै ३१ वर्षै कैद सजाय सुनाइएको छ । रियो दी जेनेरियोमा सन् २०१६ मा किरियाकोस अमिरिडिस कारमा जलेर मृत अवस्थामा फेला परेका थिए ।

उनकी पत्नी फ्रान्सिस्को डी सौज ओलिभेराको त्यो समयमा एक सैन्य अफिसर सर्जियो गोमेजसँग सम्बन्ध बनेको थियो । गोमेजले ओलिभेरासँगको सल्लाहमा आफूले किरियाकोसको हत्या गरेको स्वीकारेका थिए । र, उनलाई २२ वर्षका लागि जेल सजाय सुनाइएको थियो ।

तीन दिनको बहसपछि न्यायाधीशले यो सोचेर सम्झेर गरिएको अपराध भएकाले ३१ वर्ष जेल सजाय सुनाएका हुन् ।

गोमेजका आफन्त पर्ने अर्का एक पुरुष एडुवार्डो टेडेस्चीलाघई पनि जेल सजाय सुनाइएको थियो । उनले अपराधमा सघाएको कसुरमा १ वर्ष जेल कटाइसकेका छन् ।

५९ वर्षीय किरियाकोस २००१ देखि ०४ सम्म रियो दी जेनेरियोमा कन्सुलको रूपमा काम गरेका थिए । उनले २००४ मा ओलिभेरासँग विवाह गरेका थिए । उनीहरूकी एक छोरी छन् ।

किरियाकोस पुन: २०१६ मा ब्राजिलको राजदूत बनेर फर्किएका थिए । मृत्युअघि उनी आफ्नो परिवार र पत्नीसँग क्रिसमस मनाउन ब्रासिलिया गएका थिए ।

र, त्यहीँ उनी हराइरहेको रिपोर्ट गरिएको थियो । सुरुआतमा घरमा केही नभनी एक भाडाको कार लिएर निस्किएको बताइएको थियो । र, उनी एक फ्याइओभर मुनी कारमा जलेर मृत अवस्थामा भेटिएका थिए ।

त्यसपछि अनुसन्धानकर्ताले उनी बसिरहेको फ्लाटको सोफमा रगत लत्पतिएको फेला पारेको थियो । त्यहीँबाट उनको मृत्यु नभइ हत्या भएको पुष्टि गर्न अनुसन्धानकर्ता सफल भएका थिए ।

-बीबीसीबाट

तपाईको प्रतिक्रिया

देउराली माबि विगत र वर्तमान, पालिकाकै उत्कृष्ट, पुर्ण उतिर्ण गराउन सफल, ७५ औं हिरक जयन्ती हेर्नुस्..