तीन दिनको बहसपछि न्यायाधीशले यो सोचेर सम्झेर गरिएको अपराध भएकाले ३१ वर्ष जेल सजाय सुनाएका हुन् ।

५९ वर्षीय किरियाकोस २००१ देखि ०४ सम्म रियो दी जेनेरियोमा कन्सुलको रूपमा काम गरेका थिए । उनले २००४ मा ओलिभेरासँग विवाह गरेका थिए । उनीहरूकी एक छोरी छन् ।

किरियाकोस पुन: २०१६ मा ब्राजिलको राजदूत बनेर फर्किएका थिए । मृत्युअघि उनी आफ्नो परिवार र पत्नीसँग क्रिसमस मनाउन ब्रासिलिया गएका थिए ।

र, त्यहीँ उनी हराइरहेको रिपोर्ट गरिएको थियो । सुरुआतमा घरमा केही नभनी एक भाडाको कार लिएर निस्किएको बताइएको थियो । र, उनी एक फ्याइओभर मुनी कारमा जलेर मृत अवस्थामा भेटिएका थिए ।

त्यसपछि अनुसन्धानकर्ताले उनी बसिरहेको फ्लाटको सोफमा रगत लत्पतिएको फेला पारेको थियो । त्यहीँबाट उनको मृत्यु नभइ हत्या भएको पुष्टि गर्न अनुसन्धानकर्ता सफल भएका थिए ।

-बीबीसीबाट