विगत दुई दशक देखि निरन्तर कलाकारितामा सक्रिय हास्यकलाकार गोपाल ढकाल (छन्दे)ले आफ्नै युट्युब च्यानल छन्दे ईन्टरटेन्मेन्ट मार्फत २०८१ सालको गाईजात्रे कोशेली गठबन्धनका राजाहरु ल्याएका छन् ।
गोपाल ढकाल छन्दे नक्कली शेरबहादुर देउवा र सुरेश तिमल्सिना नक्कली केपी शर्मा वलीको चरित्रमा देखिएका छन् । देश गणतन्त्र सम्म आईपुग्दा धेरै दलहरु बने । सत्तामा रहन नेताहरुले अनेक बहाना बनाए, एक अर्कामा उचाल्ने पछार्ने देखि सदन घेर्ने, सदन विघठन गर्ने सम्मका कामहरु भए । एक अर्कामा आरोप, प्रत्यारोप गर्दै पुनमिल्ने अर्थात जुट्दै फुट्दै फेरी जुट्दै । जनता भन्दा धेरै कार्यकर्ता रहेको र समसामहिक बिषयलाई उठान गरि राजनीति प्रति व्यंग्य गरिएको गाईजात्रा गठबन्धनका राजाहरुलाई छोटो समयमै धेरै दर्शकहरुले मन पराउनु भएको छ ।
राजा प्रताप मल्लको पालादेखि शुरु भएको गाईजात्रालाई पर्वको रुपमा लिईन्छ हास्यक लाकारहरुले गाईजात्राको अवसरमा विभिन्न विकृति, विसंगतिमा आफ्नो अभिव्यक्ति मार्फत् व्यंग्य प्रस्तुत गर्दछन् विभिन्न विषयको चिरफार गर्दछन् । तर वर्तमान माहोलमा हास्य कलाकारहरुले भन्दा धेरै दैनिक जसो नेताहरुले गाईजात्रा देखाएका छन भन्ने कुरालाई भिडियोमा देखाईएको छ । पहिले फुटेको बेला र अहिले जुटेको बेलागरि दुई भागमा भिडियोलाई समेटिएको छ ।
राजु तिमल्सिनाको छायांकन, गोपाल ढकाल(छन्दे) र सुरेश तिमल्सिनाको कन्सेप्ट रहेको गाईजात्रा २०८१ गठबन्धनका राजाहरुले आम दर्शक माझ मनोरन्जन साथै राम्रो सन्देश पनि प्रवाह गरेको छ ।

बिज्ञापन