काभ्रे । जिल्लाको बनेपामा बीवाईडी एक्सचेन्ज क्याम्प हुने भएको छ । बनेपा पार्टी भेन्यूमा भोलीबाट ३ दिनसम्म क्याम्प हुनेछ । कामना अटोमोबाइल्स प्रा. लिले साउन २५,२६ र २७ गते बिवाईडी एक्सचेन्ज क्याम्प सञ्चालन गर्न लागेको हो।
क्याम्पमा एट्टो ३ र डलफिन गाडी प्रर्दशनमा राखिने कामना अटोमोबाइल्स प्रा. लिले प्रोपाइटर लक्ष्मण बञ्जाराले जानकारी दिए ।
एक्सचेन्ज क्याम्पमा ग्राहकको आकर्षणका लागि १ वर्षको अटो प्लस बिमा, ७ किलोवाट क्षमताको चार्जर, भेइकल-टु-लोड केवल सुविधा पाउनेछन् ।
एक्सचेन्ज क्याम्प अन्तर्गत ग्राहकले आफैसंग भएको कुनै पनि पुरानो गाडीमा उच्च मुल्यांकन र अतिरिक्त लाभ सहित बीवाईडी एट्टो ३ र डलफिनसंग तुरुन्तै एक्सेन्ज गर्न सक्नेछन् ।
क्याममा ग्राहकले बैंक मार्फत ७ वर्षसम्म स्थिर रहने ब्याजदरमा गाडी खरिद गर्न पाउनेछन्। यसरी खरिद गर्दा ८० प्रतिशत फाइनान्स सुबिधा प्राप्त हुने र ब्याजदर ८.५ प्रतिशत रहने बीवाईडीका डिलर ईन्चार्ज सौरव संग्रोलाले बताए । क्याम्पमा इभी, डिजेल र पेट्रोल गाडी एक्सचेन्ज गर्न सकिनेछ ।
