क्याम्पसले पठनपाठन बन्द गराएर विद्यार्थीहरुको भविष्यमाथि खेलवाड गरेकोमा विद्यार्थीहरुले आरोप लगाएका छन् ।  पूर्व सूचना बिना नै भौतिक उपस्थिति र भर्चुअल माध्यमबाट हुँदै आएको पढाइ पनि साउन १ गतेदेखि रोकिएपछि विद्यार्थीहरु आन्दोलित भएका हुन । क्याम्पसमा अध्ययनरत ब्याचलर अफ आयुर्वेदिक मेडिसिन्स एण्ड सर्जरी अध्ययनरत पहिलो, तेस्रो र चौथो ब्याचमा अध्ययनरत विद्यार्थी आन्दोलित भएका छन् ।

चिकित्सा शिक्षा आयोगले नयाँ शैक्षिक सत्रको लागि सिट नदिएको भन्दै विद्यार्थीहरुले जिल्ला प्रशासन कार्यालय काभ्रे र धुलिखेल नगरपालिका, ध्यानाकर्षण गराएका छन् । उक्त विषयलाई लिएर विभिन्न सरकारी निकाय, नेपाल संस्कृत विश्वविद्यालय, चिकित्सा शिक्षा आयोग समक्ष पत्र बुझाउँदा पनि कुनै सम्बोधन नभएको विद्यार्थीहरुको गुनासो छ । 

पठनपाठन बन्द भएको ३३ औँ दिनमा विद्यार्थीहरुले मन्डिकाटारमा शान्तिपूर्वक प्रदर्शन गर्दा प्रहरी बोलाएर धरपकड गरी प्रहरी कार्यालय चक्रपथमा हिरासतमा राख्नु अमानविय भएको विद्यार्थीहरुले बताएका छन् ।

क्याम्पसमा भौतिक पूर्वाधार, अस्पताल, प्रयोगात्मक कक्षाको लागि उपयुक्त शिक्षक तथा सर–सामाग्री, उपकरण लगायतको अभाव भएको, क्याम्पस स्थापनाको प्रथम वर्षदेखि नै अस्पताल सञ्चालनमा नआएको र झुठो अस्वासन दिएको, क्याम्सपमा विशेषज्ञ शिक्षकहरुको अभाव र पटक पटक शिक्षक परिवर्तन गर्नाले शैक्षिक गुणस्तरमा आँच आएकोमा विद्यार्थीहरुले चिन्ता व्यक्त गरे ।

यता विद्यार्थीहरुले क्याम्पसले पठनपाठन ठप्प पर्दा आफ्नो भविष्यमाथि खेलवाड गरेको भनेर आरोप लगाइरहदाँ क्याम्पस प्रशासन भने विद्यार्थीहरुले शुल्क नतिरेकाले पठनपाठन बन्द गरेको बताउँछ । केहि पैसा तिर्न बाँकी छ तर पैसा तिर्दैनौ भनेका छैनौ, कलेज खुलाउँनुस पैसा तिर्न समस्या नभएको विद्यार्थीहरुले बताएका छन् । तर प्रशासनले भने विद्यार्थीले शुल्क नबुझाउँदासम्म अध्ययन सूचारु नगर्ने अडान लिएको छ ।

तपाईको प्रतिक्रिया

बनेपाको समृद्धि महिला सशक्तीकरण|बनेपा नगरपालिका महिला बालबालिका तथा ज्येष्ठ नागरिक शाखाको वृत्तचित्र