जिल्ला प्रहरी कार्यालय काभ्रेका पसूचना अधिकारी डिएसपी राजकुमार श्रेष्ठका अनुसार आज करिब १४ः४० बजेको समयमा बेथानचोक गाउँपालिका–१ निगाले स्थित तालढुङ्गाबाट बेथानचोक तर्फ आउदै गरेको बा १४ च ७०७७ नं. को डबल क्याप बलेरो दुर्घटना भएको हो।

बोलेरोमा सवार १८ जनामध्ये ११ जना घाइते भएको उनले जानकारी दिए, घाइते ११ जनामध्ये चारजनाको अवस्था गम्भीर रहेको स्थानीयले जानकारी दिए ।

श्रेष्ठका अनुसार घाइतेहरुको उद्धार गरी उपचारका लागि धुलिखेल अस्पतालतर्फ ल्याइँदै छ। बोलेरोको ब्रेक फेल भई सडकबाट पल्टेको प्रहरीले जनाएको छ। थप जानकारी आउन बाँकी छ।