किन भैरहन्छ सडक दुर्घटना, कसरी गर्ने न्यूनिकरण ?

नेपालमा सडक दुर्घटनाका कारण धेरैले ज्यान गुमाई रहेका छन । दिनकै दर्जन हाराहारीमा हुने गरेका दुर्घटनाका कारण दैनिक ४÷५ जनाको दुखद निघन भैरहेको छ । दैनिक दजर्नौ घाइते भई रहेका छन र पनि दुर्घटनामा कमि आएको छैन ।
यो कस्को कमजोरी ? कसैले पनि जिम्मा लिने गरेका छैनन । सवारी चालकको लापरवाहीले होस्, पुराना सवारी साधन भएकै कारण वा पैदल यात्रुको हेलचक्र्र्याइँका कारण किन नहोस विभिन्न राजमार्गमा दिनप्रतिदिन सवारी दुर्घटना बढ्दो छ । दुर्घटना पनि यत्ति हुन पुगेकी बढ्दो दुर्घटनाका कारण यात्री आफ्नो गन्तव्यमा सकुशल पुगिन्छ कि पुगिदैन कुनै भरोषा रहेन । दुर्घटना प्रायःभवितव्य नै हुन, चाहेर हुँदैन । तर अधिकांश दुर्घटना चालकको लापरवाहीकै कारण हुने गरेको पाइन्छ । यसको एउटा कारक तत्व भनेको सडकमा अस्वस्थ प्रतिस्पर्धा हो भने अर्कातिर चालकले मादकपदार्थ सेवन, अत्यधिक गति, अपरिपक्व चालक, साँघुरो र अस्तव्यस्त सडक सांकेतिक बोर्डको अभाव र जीर्ण सवारी साधन भएकै कारण दुर्घटना भएको पाइन्छ ।
यस्तै लामो दुरीका सवारी साधनमा एकै जना चालक हुँदा निदाउने वा थकानका कारण पनि दुर्घटना भएको पाइन्छ । सडकमा हुने दुर्घटनालई न्यूनिकरण गर्न चालक, ट्राफिक प्रहरी, यातायात व्यवसायी सर्वसाधारण सबैको समान दायित्व हुन आउँछ । यसका लागि एक पक्ष मात्र जिम्मेवार भएर पुग्दैन । सरकारले पनि जिम्मेवार ढंगले यस्ता कार्यलाई निरुत्साहित पार्न विशेष कार्यक्रम ल्याएर सचेतना लगाएतका अभियानलाई तीव्रता दिनु आवश्यक छ । संगै तपाई हामी सबै झनै सचेत हुनु आवश्यक छ ताकि आफ्नै कारण पनि दुर्घटना हुने तर्फ सबैले सोचौ र दुर्घटना न्यूनिरण गराउन लागौँ, आफु बाँचौ अरुलाई पनि बचाऔं । बेथानचोकमा भएको बस दुर्घट्नामा परि ज्यान गुमाएकाहरु प्रति भावपुर्ण श्रद्धाञ्जली । –नव क्षितिज साप्ताहिकबाट