काभ्रेपलान्चोक – कोरोना महामारीका कारण शैक्षिक क्षेत्र डामाडोल भएको छ ।कोरोना महामारीका कारण विद्यालय दुई वर्षदेखि बन्द छन्। विद्यालय कहिले खुल्ने अझै टुंगो छैन। साढे ३५ हजार विद्यालयमा भौतिक रूपमा उपस्थित भएर पठन–पाठन गराउने अवस्था छैन । कतिपयले अनलाइन कक्षा सञ्चालन गरिरहेका छन्।
अनलाइन शिक्षा प्रणाली पनि खासै प्रभावकारी भएको छैन । ती विद्यार्थीहरुले लिने प्रयोगात्मक परिक्षा पनि निकै महत्त्वपूर्ण हुन्छ ।बिद्यार्थीहरु यी सबै कुरा बाट बन्चित भएर बसेका छन ।

विद्यालय र विश्वविद्यालय बन्द हुँदा ८६ लाखभन्दा बढी विद्यार्थीको भविष्य अन्योलग्रस्त छ। विद्यालय स्तरमा ८१ लाख र विश्वविद्यालयमा ५ लाखभन्दा बढी अध्ययनरत छन्। कोरोना महामारीका कारण शिक्षा क्षेत्र सबैभन्दा बढी प्रभावित भएको विज्ञहरू बताउँछन्। २०७६ चैत ११ गते लकडाउन सुरु हुनुभन्दा केही अघिदेखि नै शैक्षिक क्षेत्र बन्द गरिएका थिए।