काभ्रेपलान्चोक – कोशीपुर्व एकता समाजको दोस्रो भेला सम्पन्न भएको छ । समाजका अध्यक्ष तोरण प्रसाद गौतमको सभापतित्वमा गरिएको भेलामा पूर्व प्रभा बहुमुखी क्याम्पसका प्रमुख चुडा प्रसाद चौलागाईं प्रमुख अतिथि थिए । भेलाबाट कोशी पुर्वका मानिसहरुको हकहित अधिकारका लागि एकजुट भएर जाने र विभिन्न सामाजिक कार्य गर्ने लगायतका विभिन्न निर्णय गरिएको छ ।

कोशी पुर्वका मानिसको हकहित अधिकार र सामाजिक कार्य गर्नका लागि कोशी पुर्व एकता समाज गठन भएको थियो । गौतमको अध्यक्षतामा गत वर्ष समाजको कार्य समिति गठन गरिएको थियो । समितिले कोशि पुर्व बाट आएर जिल्ला भर बसोबास गरेकाहरु लाई समेटेर काभ्रे जिल्लाको पञ्चकन्या पार्टी प्यालेसमा भेला गरी कार्यक्रम गरेको थियो ।

कोशी पुर्वका सबै मानिसहरुको हक अधिकारका लागि एकजुट हुने, कमजोर अवस्थाका घर परिवारलाई सहयोग गर्ने र सामाजिक कार्यमा सहयोग गर्न लगायतका उद्देश्य राखेर समाज गठन गरिएको अध्यक्ष तोरण प्रसाद गौतमले बताए ।

भेलाका प्रमुख अतिथि चौलागाईंले समाज गठन गरी एकता हुनु राम्रो भएको उल्लेख गर्दै समाजलाई आफूले सहयोग गर्ने बताए । समाजका सदस्य सचिव धर्म प्रसाद चौलागाईंले कार्यक्रम सञ्चालन गरेको थिए । 

भेलाले फेरि पनि अध्यक्षमा तोरण प्रसाद गौतम लाई चयन गरेको छ भने उपाध्यक्षमा गिता कुँवर , सचीवमा डिल बहादुर भुजेल, कोषाध्यक्षमा शिव प्रसाद ढुंगेल, सदस्यहरुमा करि प्रसाद चौलागाईं, कृष्ण प्रसाद चौलागाईं, रामचन्द्र भट्टराई, नरहरी चौलागाईं र तारा खरेल चयन गरेको छ ।

उक्त कार्यक्रममा २२ जना आजीवन सदस्यहरु लाई सम्मान गरि प्रमाणपत्र समेत प्रदान गरिएको सदस्य सचिव धर्म प्रसाद चौलागाईंले बताए ।

तपाईको प्रतिक्रिया

तपाईंको सानो सहयोगले कसैको जीवन बाच्न सक्छ त्यसै सकेको सहयोग गर्दिनुहोस …. #सहयोगको #अपिल #sahayog #Bhojpur #sangita #Karki #kavrepalanchok #report #interview सक्नु हुन्छ भने सहयोग गर्दिनुहोस यदि सक्नु हुन्न भने धेरै भन्दा धेरै भिडियो लाई सियेर गरेर सहयोग गर्दिनुहोस । भोजपुर जिल्लाको संगिता कार्की घाँस काट्ने क्रममा रुख बाट लढेर उपचारको लागि काभ्रे जिल्लाको बनेपा स्पाइनल इन्जुरी अस्पताल भैसेपाटीमा हुनुहुन्छ । उहाँको आर्थिक अवस्था निकै कमजोर भएको हुनाले सबैले सकेको सहयोग गरिदिनु होला ।