काभ्रेपलान्चोक – हिजो मेलम्ची खोलामा आएको निरन्तरको बाढीले मेलम्ची–११ का सात घर बगाएको प्रहरीले जानकारी दिएको छ । असार १ गतेको बाढीले कटान गरेका घर बगाएको हो ।

शनिबारदेखि मेलम्ची खोलामा आएको बाढीले हालसम्म ६७ घरटहरा बगाएको छ । हेलम्बुका किउल, चनौटे, ग्याल्थुमलगायत क्षेत्रमा मात्र ५५ र तालामाराङ र मेलम्चीमा १२ घरटहरा बगाएको जिल्ला प्रहरी कार्यालय सिन्धुपाल्चोकका प्रहरी उपरीक्षक राजन अधिकारीले जानकारी दिनुभयो ।